Улаан-Үдэ хотын Зүблэлэй талмай дээрэ нютагай ниитын өөһэдын хүтэлбэриин уласай 4-дэхи фестиваль наярба. Бурядай ниислэлэй түбэй газарта баяр ёһололой олон талмайнууд нээгдээ. Буряадаймнай элдэб аймагуудай хабаадагшад газар шэмэглэлгын болон хүгжөөлгын эрхим түсэлнүүдээ, тосхонуудые, хорёо, хотонуудые зохид болгохо үүсхэлнүүдые дурадхана.
Беликто Цыбиков, Улаан-Үдэ хотын hунгамалнуудай Зүблэлэй депутат:
- Манай Буряадhаа Тоснууд ерэжэ, ....... харуулнал даа, hайн юумэёо. Минии тоже 26-дахи округто..... Бурятиин.
Мүнөө улас дотор ТОС-ой хүдэлөөн ехэ эдэбхитэйгээр хүгжэжэл байна гээд тэмдэглэлтэй. Бүхыдөө 2400 гаран ТОС мүн тиихэдэ ТОС-ой 40 ниитын эмхинүүд бүридхэлдэ абтанхай, урагшатайгаар хүдэлнэ. Буряад Улас хадаа федеральна хэмжээндэ ТОС-ой хүдэлөөнэй ажал хүдэлмэреээрээ түрүүшүүлэй тоодо ябадаг гээд үнинэй сэгнэгдэдэг. Улаан-Үдэ хотын ажаһуугшад болон айлшад ТОС-уудай фестивалиин бүтээлнүүдэй яармагта нютагаархидһаа онсо эд бараа худалдан абаха аргатай байгаа. Сэдэбтэ талмайнууд бүхэли үдэр нээлтэтэй, хабаадагшад хүн бүхэниие дулааханаар угтан абажа, эд зөөритэеэ танилсуулна.
Валентина Найданова, Зэдын аймагай "Хангай" ТОС-ой түрүүлэгшэ:
- Тосойнгоо мүнгөөр ехэ ажал ябуулагдана манай нютагта ..... Тосойнгоо мннгөөр ехэ ажал ябуулагдадаг.
Тус хэмжээ ябуулгые Буряад Уласай Толгойлогшын болон Засагай газарай захиргаан, ТОС-ые дэмжэлгын нөөсын түб, нютаг дэбисхэрэй ниитын өөһэдын хүтэлбэриин можо нютагуудай нэгэдэл гээд эмхидхэнэ. Энэ фестиваль хадаа Буряадай нютагай ниитын өөһэдын хүтэлбэринүүдтэ болон эдэбхитэй ажаһуугшадта ехэ удха шанартай үйлэ хэрэг болоно гээд тэмдэглэлтэй.
