Эдэ булад хайрсагуудай саана радиофармпрепарадуудай мүндэлдэг синтезэй модульнууд байна. Мүнөө лабораторидо үйлэдбэриин гол шата боложо байна. Синтезированнэ бодос амhарталгада орожо, мэргэжэлтэд тэрэниие тусхай тэмдэгтэй шэлнүүд соо аягална. Шухаг бүридэл зохёолгодо жэл шахуу ошоо.
Глеб Филимонов, ядерна эмнэлгын түбэй таhагай дарга:
- Фторэтилтирозин - это радиофармацевтический лекарственный препарат, меченый 18 фтором. За счёт эльтранспортеров аминокислот он проникает в клетку и практически не метаболизируется, за счет чего он не накапливается в воспалительных очагах, за счет чего достигается большая специфичность препарата относительно опухоли и фона.
Елена Пономарева Благовещенск хотоһоо Улаан-Үдэ ниидэжэ ерэ. Иимэ үндэр хэмжээнэй эмнэлгын түбтэ шэнжэлгэ гараха арга боломжодо баяртайб гэжэ хөөрэнэ. Эмшэлгэеэ юрын лэ полисоор гарана.
Уураг тархиин хорото хабдар элирүүлхэ эм энэ жэлэй июль һарада ядерна эмнэлгын түбтэ бүтээжэ эхилээ. Энэ аминокислотань нейрохирургнуудта хабдарай хилые наряар тодорхойлхо, биопси, операциин хэмжээе түсэблэхэ боломжые олгодог юм. Мүнөө түб ганса уураг тархиин хорото хабдар элирүүлхын тула бэшэ, мүн тэрэниие аргалхын тула радиофармпрепарадуудые бүтээнэ. Москва, Владивосток болон Челябинск хотонуудай тусхай клиникэнүүдтэ тэдэнь тараагдана. Хангалгын географи үргэдхэхэ түсэбтэй. Шухалань гэхэдэ, Буряад Уласта, хүршэ регионуудта, Алас Дурна зүгэй можо нютагуудта иимэ үндэр технологическа шэнжэлэлгэ улам хүртэмжэтэй боложо байна гэжэ түбэй ахамад захирал Кирилл Архипов тэмдэглээ. Дүрбэн жэлэй туршада гушан мянган шэнжэлэлгэ хэгдээ. Түб Алас Дурнын можо нютагуудай болон Сибириин хубиин үбшэнтэнэй хэрэгсээ хаахын тула эмүүдые үйлэдбэрилжэ шадаха. Гүрэн түрэдэ шухала энэ түсэб Буряадай засагай газарай, Алас Дурна болон Арктика хүгжөөлгын корпорациин туһаламжаар бүтэбэ. Үшөө тиихэдэ түбтэ түрүүн булшархайн бадаган үбшэ элирүүлхэ ба нейроэндокринна хабдар аргалха эмүүдые үйлэдбэрилдэг.
